İqbal “Ike” K. Ahmed, MD, FRCSC.
John R və Hazel M. Robertson adına Yuta Universitetinin Oftalmologiya Departamentinin sədri və professoruPrezidentliklə Təyin Edilmiş Kafedra və Professor,
Alan S. Crandall Qlaukoma İnnovasiyaları Mərkəzinin Direktoru, John A. Moran Göz Mərkəzinin direktoru,
Toronto Universitetinin Qlaukoma və Ön Seqment Cərrahiyyəsi bölməsinin direktoru,
San Paulo (Braziliya) Universitetinin Dəvətli professoru.
Dr. Ahmed həm Kanadada, həm də ABŞ-da fəaliyyət göstərən və tədqiqat aparan cərrah-alimdir. Qlaukoma, mürəkkəb katarakta və linza implantasiyası sahəsində yenilikçi yanaşmaları ilə beynəlxalq səviyyədə tanınmış liderlərdən biridir. O, dünyada ən təcrübəli mürəkkəb göz cərrahlarından biri kimi qəbul olunur və pasiyentlər ona dünyanın dörd bir yanından yönləndirilir. Onun qlaukoma cərrahiyyəsindəki liderliyi və qabaqcıl işi “İntervensional qlaukoma (İQ)”, “Mikroinvaziv Qlaukoma Cərrahiyyəsi (MIGS)” və “Mikroinvaziv Bleb Cərrahiyyəsi (MIBS)” kimi anlayışları işləyib hazırlaması və yayması ilə də tanınır. Dr. Ahmed hal-hazırda Yuta Universitetinin John A. Moran Göz Mərkəzində yerləşən Alan S. Crandall Qlaukoma və İnnovasiya Mərkəzinin direktoru və Prism Göz İnstitutu/Toronto Universitetində Qlaukoma və İrəliləmiş Ön Seqment Cərrahiyyəsi (GAASS) təqaüd proqramının rəhbəridir. Onun laboratoriyası Crandall Mərkəzində qlaukoma cərrahiyyə cihazları və lazer terapiyaları üzərində ixtisaslaşıb və o, bu sahədə geniş şəkildə elmi nəşrlər dərc edib.
Bundan əlavə, Dr. Ahmed oftalmologiya elminə və təcrübəsinə mühüm təsir göstərmiş dünya səviyyəli oftalmoloqlara verilən Binkhorst medalına layiq görülüb və The Ophthalmologist jurnalına əsasən, “Dünyanın Ən Nüfuzlu Oftalmoloqu” kimi tanınıb. Son olaraq, o, oftalmologiyaya verdiyi qeyri-adi töhfələrə görə Kral III Çarlzın Tacqoyma Medalı ilə təltif olunub.
----------------------
11 aprel 2025 iı tarixində Prof. İke Ahmed Akademik Zərifə Əliyeva adına Milli Oftalmologiya Mərkəzində “Small pupil phaco surgery and managing iris complications” mövzusu ilə çıxış etmiş və Mərkəzimizin poliklinika və stasionar şöbələri, Səyyar klinika və cərrahiyyə bölməsi ilə tanış olmuşdur.
İke Ahmed Mərkəzin yüksək texnoloji təchizatını, Səyyar klinikaların və Mərkəzin filiallarını xüsusilə qeyd etdi.
Professorun çıxışı çox maraqla qarşılanmış və həmkarlarımız tərəfindən bir çox sualları cavablamışdır.
Sonda AOC tərəfindən ona Azərbaycan Oftalmoloqlar Cəmiyyətini fəxri üzvü adı təqdim edilmişdir
