May ayı ölkə oftalmologiyası üçün çox maraqlı yeniliklərlə yadda qaldı. Belə ki, Akademik Zərifə Əliyeva adına Milli Oftalmologiya Mərkəzində 8 may tarixində t.ü.f.d. Cəmil Həsənov tərəfindən dəfələrlə uğursuz buynuz qişa transplantasiyası keçirmiş xəstəyə yeni nəsil süni buynuz qişa Keratoprotez LUCIA transplantasiya edildi.
Daha sonra mayın 21-də dr. Cəmil Həsənov tərəfindən Molteno 3SS, Molteno 3SL və Paul qlaukoma drenajlarının implantasiyası həyata keçirildi.
Bununla yanaşı t.ü.f.d. Məhərrəmov Polad 2 əməliyyat və dr. Ramazanova Xuraman tərəfindən 1 əməliyyat uğurla icra edilib.
Əməliyyatların keçirilməsində dəstəyinə görə Mərkəzimizin rəhbərliyinə və bütün tibbi personala öz təşəkkürümüzü bildiririk.
